Հետաքրքիր է

Հարցեր, որոնք մեզ հուզում են.մեկնաբանում են հոգեբանները..

By 29.01.2019 8 Փետրվարի, 2019 No Comments

Միշտ խոսում ենք կնոջ արտաքին գեղեցկության մասին, պարզաբանում այն արտաքին թերությունները, որոնք դուր չեն գալիս տղամարդկանց, կամ առհասարակ հասարակությանը: Հաճախ մոռանում ենք ներքին գեղեցկության և դրա կարևորության, անհրաժեշտության մասին: Արտաքին գեղեցկությունը երբեք լիարժեք չէ առանց ներքինի, հենց վերջինս է դարձնում աչքերն արտահայտիչ, իսկ կնոջը՝ հետաքրքիր: Ներքինից հարուստ, գեղեցիկ կինն առանձնանում է աչքերի մի տեսակ խորհրդավոր փայլով:

Ամերիկացի հոգեբան Ռոջերսը պնդում էր, որ անձի «ես»-ի ձևավորման մեջ կարևոր է ինքնագնահատականը. դրանում արտահայտվում է անձի ինքնությունն ու էությունը:

Ռոջերսը կարևորում էր ներկայի դերը: Ըստ նրա՝ մարդիկ պետք է սովորեն ապրել ներկայով, գիտակցեն և գնահատեն իրենց կյանքի ամեն րոպն և միայն այդ դեպքում լիարժեքորեն կապրեն ու կկարողանան խոսել անձի լրիվ իրականցման մասին: Ինքնագնահատականի ձևավավորման գործընթացում անքակտելի դեր ունեն արտաքինն ու ներքինը, սրանք ակտիվ մասնակցություն ունեն   անձի կերտման գործընթացում:

Խոսելով միևնույն կամ արդի թեմաների շուրջ տարբեր հոգեբանների հետ՝ ներկայացնելով հոգեբանների մեկնությունների շարքը, նպատակ ունենք հանրամատչելի տարբերակով ներկայացնել ՝ գտնելով մեզ և Ձեզ հուզող հարցերի պատասխանները:

Հարցերին այս անգամ պատասխանել է «Մադաթյան» հոգեբանական կենտրոնի հոգեբան Մարիամ Յաղջյան.

-Ինչպե՞ս է ձևավորում մարդու ինքնագնահատականը:

Ինքնագնահատականի մասին խոսելիս գլխավորող դերում է ինքնաիրացումը։

Խոսելով «Ես» կոնցեպցիայի մասին առաջնային է թե՜ ի՞նչ կարևորություն ենք տալիս ինքներս մեզ, և արդյո՞ ք ընդունում ենք մեզ այնպիսին ինչպիսին կանք։

Ինքնագնահատականը անմիջականորեն կապված է «Ինքնահարգանքի» զգացման հետ, միշտ չէ, որ մենք հասկանում ենք այդ բառի նշանակությունը՝ խառնելով սերը հարգանքի հետ։ Չէ՞ որ եթե սիրում և գնահատում ենք մեզ, ապա գտնվում ենք հոգեկան ներդաշնակության մեջ։

Հարկ է նշել, որ մերօրյա իրականությա մեջ, բախվելիս ինքնագնահատական ասվածի հետ կարևոր է հաշվի առնել սոցիալականացման մեծ դերը։ Այն թե ինչպես ենք մենք մեզ ընկալում և գնահատում փոխանցվում է դիմացիններին, ինքնարտահայտվում և ընդունվում սոցիումի կողմից, որն էլ բերում է մեր բարձր կամ ցածր ինքնագնահատականի ձևավորմանը։

Այսպիսով կարևոր է!

  • Գնահատել և ընդունել մեր «Ես»ը
  • Հպարտանալ, անգամ փոքր հաջողություններով
  • Կարևորել մեր դերը հասարակությունում
  • Դադարել համեմատվել ուրիշների հետ, չէ՞ որ մենք յուրահատուկ ենք և գեղեցիկ մեր իսկ տեսակի մեջ։

-Մարդու արտաքին տեսքը հարթելը, գեղեցկացնելը այժմ ավելի հեշտ է. կան բազմաթիվ «բյութի մասնագետներ», բայց դա միայն բավարա՞ր է, ի՞նչն է կնոջը դարձնում ինքնավստահ:

Այո´ այժմ նորարարությունների և հնարավորությունների դարաշրջան է, բայց արդյո՞ք այն գեղեցկությունը, որը արհեստական է առավել ընդունելի և ցանկալի է։

Կարևորը գեղեցկության ստանդարտների հետևից վազքի ընթացքում չկորցնել մեր «Տեսակ» ասվածը, քանզի յուրաքանչյուր անձ անհատ է, ինչն էլ կարելի է նկատել մերօրյա որոշ «Beauty» մասնագետների աշխատանքներում, ովքեր ջանում են ընդգծել բնական գեղեցկությունը և անհատականությունը։

Ինքնավստահ կին, այն էլ, չափազանց ինքնավստահ կին լինելը խոսում է արդեն իսկ անվստահ լինելու մասին, կոմպլեքսների և անվստահությունը նրանք թաքցնում են ակնհայտ համարձակ և որոշակի ագրեսիվ պահվածքի ներքո։

-Արդյո՞ք մարդու արտաքին տեսքն  ինչ-որ ձևով ազդում է նաև իր պահվածքի, շարժուձևի վրա:

Ինքնավստահության գործում կարևոր դեր ունի մեր ընտրած հագուստը․ ճիշտ ընտրված և անհատականությունը ընդգծող հագուստը խոսում է մեր փոխարեն։

Ինքնավստահ կնոջը մատնում է իր կեցվածքը և քայլքը։ Սլացիկ և ինքնաբավ կեցվածքը հատկանշական է վերջիններիս համար։

Մարդու արտաքինը, կամ այսպես ասված արտաքին տվյալներով գոհ լինելը ուղիղ համեմատական է իր պահվածքի և վարքի հետ, այստեղ մենք ևս խաչվում ենք ինքնավստահ լինելու հետ։ Արտաքինից դժգոհ, կոմպլեքսավորված անձը կառանձնանա իր ընկճված և լարված պահվածքով։ Մինչդեռ հակառակ դեպքում տարբերությունը ակնհայտ կլինի։

Հեղինակ՝ Էլիզա Բալայան

ԹՈՂՆԵԼ ՀԱՅՏ

Մեր մասնագետը կկապվի Ձեզ հետ 5 րոպեի ընթացքում

×
ԳՐԱՆՑՄԱՆ ՀԱՅՏ

Մեր մասնագետը կկապվի Ձեզ հետ 30 րոպեի ընթացքում


×